رساله من محمد علاء مبارك الى أمه و جده حسنى مبارك

ازيك ياماما وحشتيني قوي انتي وبابا واخويا الصغير وجدو وتيتة وعمو جمال وكل اصحابي . مصر كلها وحشتني
ياماما يوم 25 يناير صحابي في الجنة نادولي وقالولي تعالي
بسرعة يامحمد في ناس من بلدك دخلو الجنة قولتلهم مصريين! قالو ايوة دول
شهداء كمان يامحمد...
جريت بسرعه معاهم اشوف الشهداء اللي من بلدي واسلم عليهم
وافتخر بيهم وكل يوم بيجي شهداء تانيين ولما كثرو قوي ياماما وذادوا ووصلوا
اكتر من 300 شهيد قلت لصحابي وانا فرحان عارفين دا اكيد جدو بيقود مصر في
حرب تانية علي اسرائيل او اعدء تانيين
روحت ياماما وقعدت معاهم علشان يحكولي عن جدو القائد واللي
بيعملة واسمع بطولاتهم ولما سألتهم هي مصر بتحارب مين وانتو استشهدتواازاي
وفين ؟؟؟؟ وجدو كرمكم قبل ماتيجوا الجنة !!! بصوا لبعض ومحدش رد !!!
سألت تاني ردوا عليا مين قتلكوا ؟؟؟؟؟
واتقتلتوا برصاص اسرائيل ولا مين ؟؟؟؟؟
وجدو عمل اية في اللي قتلكوا! ولما بكيت لاول مرة لان الجنة
مافيهاش حزين قالولي لا مش اسرائيل دة رصاص مصري يامحمد حراس جدك يامحمد
هما اللي قتلونا
لقتني مش فاهم حاجة صرخت وقلت مش عاوز اسمع حاجة وجريت ورحت
قعدت لوحدي لكن الشهداء جم وقالولي متبكيش يامحمد انت ملكش ذنب وخدوني في
حضنهم وطبطبوا عليا حسيت بدفا حضنك ياماما وهما بيضموني في صدرهم
رفعت راسي وقلتلهم انتو طيبين قوي.... قالولي مش احنا بس اللي طيبين دة كل المصرين طيبين
يامامي انا مش هاسأل حصل اية ولا عاوز اسمع حاجة لكن قولي
لجدو انا مش اغلي من اي واحد منهم عند ممتو وزي ماحسيتي يوم ما انا مت
اوصفيلة كل ام حاسة بأية دلوقت وقوليلة انتي لاني انا مخاصمة.... ازاي هان
علية كل الناس دي ومعملش حاجة لللي قتلهم
قوليلة لازم يبرد قلوب الامهات والابهات دا الابن غالي
وانتي عارفة ياماما ويابابا قولو لجدو انة خلاص مبقاش ينفع يبقي رئيسها بعد
اللي حصل
جدو لازم يرتاح في بيتة ويسيب مصر لولادها هما اولي بيها وانا هادعيلة ربنا يغفرلة
وقبل ما اخلص كلام ياماما اهم حاجة والكلام دة لبابي وعمو
جمال وجدو قبل ماتسبوها لولادها يديروها اوي يكون يابابي في مالك انت وعمو
جمال وجدو حق لمصر وللمصرين وخدتة
اوعو يابابا.... انا بحبكو ومقدرش اشوفكوا شايلين زنب زي دة
اوعوا يابابا مال الشعب الطيب الغلبان الشقيان تاخدوة معاكوا تصرفوا
وتعيشوا منة بقيت حياتكوا .
اوعي يابابا اخويا الصغير ياكل ويعيش ويتربي بمال مش من حقة وفية مصرين كتير مش لاقيين.
ساعتها تبقي كتبت عليا افارق اخويا دنيا واخرة لانة لازم
يتربي بمال حلال عشان اقابلة يوم في الجنةوقول لجدو وتيتة وعمو جمال وطنط
خديجة ان الجنة حلوة قوي احلي من اي حاجة ولا اي مليارات مش حلال تستاهل
يضحوا بالجنة عشانها دا ربنا بيسأل عن كل جنية كسبتة ازاي وصرفتة في ايه
والسلام عليكم ياعيلتي اللي بحبها

والسلام تحية اهل الجنة

رساله من محمد علاء مبارك الى أمه و جده حسنى مبارك 180704_193917943960686_100000274455424_667036_987086_a

رساله من محمد علاء مبارك الى أمه و جده حسنى مبارك 180704_193917943960686_100000274455424_667036_987086_a

» مفاااااااااجأة:التحقيق مع سوزان مبارك فى شرم الشيخ
» كليب محمد عبد المنعم ((عملت الى عليا ))
» ادخل وشوف صورة النبي محمد صلى الله عليه وآله سبحان الله